ابلاغ عن رابط

سلمى

الجوكر
0:00
0:00

Untitled-1

اتنطق اسمك صحيت ذكرى كات بتموت , صوره وصوت
شبح الماضي قاملي مـ التابوت
سلمي متقولوش , سلمي متكملوش , لأ سكوت ! متعيدوش ذكرى نسج عليها العنكبوت
معاكى كنت بعيش الهم لوحدك متشليش
ولما احتجت سلمي جنبي , سلمي فين ؟ سلمي مفيش
حماراً يحمل الأصفار بربي حيه ما بين ضلوعي
مسحت دموعك والغريب مسح منك دموعي
وقت ضيقي فـ بعدك فات
وجايه تقولي زكريات , ظلمك زاد
متسأليش على احمد احمد مات
مهما تقولو سلمي حباك ولسه عايزه تعيش معاك حب امتلاك
احمد معدش يشوف سلمي ملاك
ايوه عارف , غميت عنيا عشان مكنش شايف
حب زايف , امل هايف , كنت مـ الحقيقه خايف
اخاف لاخسرها فـ برضى تقابل حبي باستهتارها
معاني فشل القصه واضحه وعيني بتصغرها

—————————————-
ابنى تهدى للبر أشد للغريق تشدى
شايفك زى ماشاف خيالى وعمرى ماشفتك انتى
مسكتك سيبتي قربت قد مـ انتى بعدى
مُت ألف مرة فـ غبتك وانتى راحتك كت فى غبتى
—————————————-
قدت صوابعي شمع
رضيت برضى العين والسمع
اتهديت من طول سُقايا جفاكى دمع
مصلحتي الدُنيا تتداس تملي راحتك عليا
عشرين سنة بتعلم بس لسة فـ اولى دنيا
رمتلك حبل نجاة عليا لفتيه وشنقتي
خنقتي , حرقتي كل سطر ليكي فـ ورقتي
سبقتي , قتلتي , غيرت وما اتعدلتي
قبلتي , تستهري بحروف رسالتي
فـ العيب عليا حاولت اصلح العيب فيكى
انا بشد العيب يشد بس العيب كان اولى بيكى
عنيكى لمعت يوم ما دارت لفت جمعت
عنيك تتحدى عينى . والودان عملت ما سمعت
عنيا دمعت لما الجذور قدامها اتقلعت
هموت واخدك فى حضنى وسامعك بتقوليلى ابعد
كان عقلى فين وانا كل يوم بكسر ادامك عين؟
مرت سنة هاتيلى مرة اتساوت فيها الكفتين
—————————————–
متتوصفشِ , حُرقة فيا متتكتبش
مش دى اللى قالت حياتى بعدك واقفة مش هتمشى
اشتاق اشوفها , اعدى من قدامها اعرف ظروفها
الاقى الضحكة تعلى وانعدم عليها خوفها
قالت هسيب هغيب بس مين عارف النصيب ؟
علقتنى بحبل دايب اسمه احمد اخر حبيب
بس الكلام كان سهل عايزة اما تغيب تربطنى بحبل
والمفروض افضل مستنى لما الشاب يبقى كهل
ايوة صحيت , فهمت قد ايه ضعيف الخيط
ولا انتى ام عيالى ولا اللى تصونى جوة بيت
اه حبيت , بس اية منك لقيت؟
ذُل ظُلم خيانة و بعتى رغم انى اشتريت
هنيمك فى حضنى وبيتنا ليك هيبقى جنة
وترجع من شغلك بتجري عليا وفى بالك عيالنا
ده الوتر اللى لعبتى عليه والحلم غدر
وفى النهاية قولتي حلمت بس حكم القدر
القلب اتعصر نزف دم يسقى قلب الحجر
كل الى سامعة مش رجعالك شئ جوايا اتكسر
اية الى اتكسر وليه على اللى بنا انتصر ؟
متقوليش كلمة قدر عايزك تقولى مين اللى غدر
حقيقة واضحة بس قلبك رافض المصارحة
فين الحب لما الواحدة تستخسر فى حبيبها الفرحة
من امتى شيلتى هم . مبكتش عيونى قبلك
امتي خوفتى فـاترعشتى وملقتنيش فى حضنى واخدك؟

سلمى , فى حياتك ياما قابلتى ناس ولسة باقي
بس اعذُرينى نص حبى ليكى مش هتلاقي
القلب الميت جالوا يوم ريح عفن تفوحله
والغريبة بير مسموم وبرجلى كل مرة اروحله
لاول مرة بتضحكنى قولة مش عيزانى
ليه ؟ عشان فى حضنى واحدة مستعدة تموت عشانى
حب اديت , غدر لقيت , بس احب انصحك
متدمعيش من بعدى مش هتلاقي اللي يفرحك

باقي اغاني البوم اغانى فردية الجوكر

http://i.imgur.com/5NZrhoq.gif

http://i.imgur.com/5NZrhoq.gif

تعليقات الفيسبوك