ابلاغ عن رابط

محدش له عندي حاجة

ابيوسف
0:00
0:00



دخلت الكل فز قام و إنتبه
لا توجد فروع أخري و مابيشغلناش الشبه
مبقيتش أحس بالإندهاش من الغبا
كان فاكرني نايم إديتلو الرعاش إرتبك

دادي باك دادي باك
بخبط كإن قدامي باب
إنت نجم درجة تالتة…. آآمي تاب
يوسف علي وضعه…. مانيكان

الجو مش عاجبني فا برطب
بتقلدني عشان جامد.. مش بإرادتك
قبل ما تراب إتغطي
حراء شطة
خناق كرفتا

لص اللحظة… كنز في صحرا
إنت توسع منك و ترحرح
مشكلتك إنك مش بتصحصح
فا بتقوللي أي حاجة أقولك صحصح

دول مش نجوم أنا الما و عارف بقولك إيه
ألوليمب ي علي البيت عندي رمي الجلة كيف

ماشي أوكيه…
مش كل إللي بيلمع لاكيه…

مش إنت بيعتني بمزاجك
إوعي ترجع في كلامك
إوعي تقوللي محتاجك
محدش له عندي حاجة

باكل عيش بدور علي أكل
تختفي مالرادار لما أتك
بقيت سوبرستار أنا بشكل
تم القضاء علي الشك

أنا زعيم إنت المنسي…
يوسف جاهز دول بيروحوا للترزي
فاكرني هحب تاني غير نفسي
كم أنت رومانسي

بنزل بالمنهج التربوي
علي البيت لا نستوي
بتف و ببتدي في الكوي
ده في اللبس هيبقي حلو أوي

إنتظار… بحفر في التاريخ بمسمار
أنا حوار… في جيل فيه الجامدين مش كتار
جوايز للبليد و الشطار
حد يفهم البليد إنه هزار

أحمار… بالشيه بمشيه
بيه بعشيك أنا الشيف
ع الطريق زي الغشيم أنا مشيت
بشورت و فانيلا و راب أنا شريف

مش إنت بيعتني بمزاجك
إوعي ترجع في كلامك
إوعي تقوللي محتاجك
محدش له عندي حاجة

طلعو علي كتافي… الترابيس
بغطي ع الوساخة زي التيت
إحنا غالبا مجانين
ده مش غالبا ده أكيد

عزيز و مش بطلب
هنزل و النيل و مش هطفو
سايب الشرير و مش رابطه
دول مش قادرين و بيصدوا
لعب بمنديل و بيمطلوا
مفيش بديل بيخبطكو
يوسف أكيد إللي إصطادكوا
بركان بيجيب إللي بطنه

ناري فا بالنسبالي إجباري إني أحرق
صوتي بيتعرف حتي لو متداري في الزحمة
حاضر بالي… مش بحلم
سم هاري في اللحمة
واخد علي سدرك بتأكدهالي بالكحة
تتكحل
نفسيات بتسود و تبقي زبالة
لو فاكرها جات بالسهل لأ ديه شغلانة
مش هنام مش هتهد مش هسيبهالك
لا لا لا لا لا لا لا لا لا

لغة و ريتم بعمل لوغاريتمات
أنا الأسطورة يا شوية حسن بوخاريستات
بتمنالكو دوخة و إمساك
باكل الجو دابب شوكة في التراك

إسمي أبيوسف بس إنتي تقوليلي أبيو
تمشي علي القافية لما تقوليلي أي لافيو
مصاص دماء… عيني علي الرقبة
قالتلي إنت منين قولتلها مالمستقبل

مش إنت بيعتني بمزاجك
إوعي ترجع في كلامك
إوعي تقوللي محتاجك
محدش له عندي حاجة

محدش له عندي حاجة
محدش له عندي حاجة
محدش له عندي حاجة

باقي اغاني البوم اغانى فردية ابيوسف







تعليقات الفيسبوك