ابلاغ عن رابط

قمة طموحي

0:00
0:00

اصعب من احلامي وقمة طموحي
‎وابعد من سهيل اليماني جنابك

‎تستوطن افكاري ويعكِسك بوحي
‎بالوعي واللا وعي قلبي هذا بك

‎ما مر يوم الا وحدث فيك يوحي
‎كن الحياه احداث فيك اتشابك

‎وما كنت اظن انك قدر وسط لوحي

‎وفي يوم بكسب ودك.. وانعجابك

‎فرصة بنت لي من حطامي صروحي
‎يوم البخت .. فيني تكرّم و جابك

‎ما عرف قبل جيتك شي.. غير نوحي
‎وبمعجزة .. دمعي فرح واهتنا بك

‎يا ذو الغرام المنتشي به جموحي

‎يا من سقيت قفار عمري بسحابك

‎ياكيف أوصف عشقي وكيف أوحي؟
‎والحروف يصيبها ذهول.. بأسبابك

‎ليت قلوب البشر.. تحتويها روحي
‎واحبك بها مـوت.. وأرد وأحيا بك

‎مرت سنة وانت السبب في فروحي
‎مدري سنة مرت.. وحزني يهابك

‎الله يديمك عمر.. لا ..مايروحي
‎سنين ما تحصي معاها حسابك

‎وان خيروني … بغير حبك.. لروحي

باقي اغاني البوم اغانى فردية داليا مبارك

تعليقات الفيسبوك