ابلاغ عن رابط

روح بدري

البوم تليفونى بيرن
0:00
0:00

كلمات اغنية روح بدري
اول حاجه احب اشرح معني كلمة افتكاس متقلقوش يا جماعه ملهاش دعوه بالسياسة
افتكاسة لما تعمل فكرة في الخباسة ويمكن انا مش فاهم ايه معناها اساسا
(رايح فين) وانت مالك (رايح فين)وانتي مالك النهارده ماتش الاهلي والزمالك(يا سلام)
وانا قاعد في المقصورة جنبي ناس مشهورة وجبت معايا كاميرا عشان اخد معاهم صورة
ابويا واخويا وبقيت العيله عايزين اتفرج معاهم عالماتش الليلة قلت لازم افتكس افتكاسة يعني حيلة
قلتهم واحد صاحبي اتعور طلعتلو بقليلة المهم الماتش ابتدي
وانا قاعد في المدرج لقيت عمرو دياب قاعد جنبي بيتفرج
والكاميرا فضلت ثابته علينا ومش بتتحرك وطبعا ابويا قاعد في البيت بيتفرج
روحت البيت علي طول ابويا قاللي شرفتنا وعشان هربت مننا مانتش بايت هنا
قفل الباب في وشي فتحوا جرانا اللي جنبنا قالولي يا حبيبي يابني تعالي بات عندنا
اهلي قالولي روح بدري لاحسن ليلتك مش هتعدي حواراتي الفاشلة غصب عني
كل ما اجي افتكس افتكاسة تفقس مني
مش عايز ابقي روش ولا عايز العب تنس انا بس نفسي احور من غير ما اتهرش
المشكلة مش في اهلي دي في اخويا الحمش كل ما اجي افتكس افتكاسة تتهرش تتقلش
والمصيبة اني بروح كل يوم في الميعاد نفسي مرة اسهر برة
واليلة دي بالذات اخويا قاللي روح بدري عشان عنك امتحانات
وهو بيقضيها مع صحابه بالساعات يلعبو استميشن والنهارده محمود عامل دورة بلاي ستيشن
نفضت لاخويا ووشه وروحت رايح لمحمود ابوه قاللي ده بايت بره و مطرود
نزلت خدت تاكسي قعد يفسحني وياخرني ولما طلعت بيتنا اخويا شافني
قاللي اقول لماما تحبسك في البيت اسبوع اديته ورقة بمية راح مقفل عالموضوع
اهلي قالولي روح بدري لاحسن ليلتك مش هتعدي حواراتي الفاشلة غصب عني
كل ما اجي افتكس افتكاسة تفقس مني
بمناسبة تخرجي السنادي صحابي عملولي حفلة في فيلا بالمعادي وقايل لاهلي في اسكندريه عادي
راحو كلموني فكروني بمعادي ابويا قاللي ارجع بدري يابني ياما مش هترجع البيت ده تاني
وهو لسه قافش مني من ساعة ما ابديت اعمل اغاني
خدت الكلام ده زي البوكس في سناني اتخنقت خدت بعضي وروحت قايم
ركبت عربيتي اللي علطول بتعاني كوتش ضارب والاستبن نايم ازاز مسروق وكاسيت مسروق
روحت القسم عملت محضر روحت البيت في الميعاد مظبوط لقيت ابويا نايم بيشخّر
اهلي قالولي روح بدري لاحسن ليلتك مش هتعدي حواراتي الفاشلة غصب عني
كل ما اجي افتكس افتكاسة تفقس مني

باقي اغاني البوم تليفونى بيرن

تعليقات الفيسبوك