ابلاغ عن رابط

التغريبة 2

0:00
0:00

طعم البعاد صبار .. والغربية ليل بهتان
ياقلبى ياموجوع .. إياك تكون قلقان
لو طالت المسافات .. انا والأمل اخوات
وتالتنا كان الليل .. دة انا ليا فيها النيل
وليها فيا الروح .. ما اخترتش إنى اروح
ما انا جوعى كان كفران .. ملعون ابوك ياطموح
أخرك تشوفلى كفيل .. لكنى مش قلقان
تذكرتى رايح جى .. انا مش فى بلدى عويل
لكنى مش بتشاف .. زهرة سنينى عجاف
مع إنى ليا عزيز .. غفتونى فى رؤياى
لموا الأمانى إزاى .. حطوها على الباسبور
احلامى صبحت بور .. ممنوع عليه الضى
لكنى مش قلقان .. تذكرتى رايح جى
البعد عنك خوف .. وانا عالرجوع .. وأنا عالرجوع ملهوف
لكنى هعود ازاى .. ومكانى كله ضيوف
ياقلبى ياموجوع .. يا آهه حاضنة دموع
حب البلد بيعيش .. لما يموت الجوع
ياحضن بيساعدنى .. واحتجت له وباعنى
ساعة ما مد إيديه .. شاور وودعنى
لكنى مش قلقان .. تذكرتى رايح جى

باقي اغاني البوم إنسان

تعليقات الفيسبوك